Një fluturim i EASYJET i nisur nga qipro për në Mbretërinë e Bashkuar është detyruar të bëjë një ulje emergjente pasi pasagjerët thuhet se nuhatën tym në bord. Avioni kishte si destinacion Aeroportin e Bristolit, por u detyrua të devijohej papritur për në Turqi të shtunën në mbrëmje. EasyJet konfirmoi se ekuipazhi kishte hasur një problem teknik gjatë fluturimit që shkaktoi një "erë tymi". Avioni Airbus A320 ishte nisur nga Paphos dhe po fluturonte në rreth 11 mijë metra lartësi kur një alarm tymi u aktivizua. Piloti u detyrua të bënte një ulje emergjence dhe në një aeroport në Izmir vetëm një orë e 20 minuta pasi u nis nga Qipro. Në një deklaratë nga easyJet thuhej: "Mund të konfirmojmë se fluturimi EZY2902 nga Paphos për në Bristol u devijua në Izmir për shkak të një problemi teknik që rezultoi në erë tymi në bord. "Avioni u ul në mënyrë të sigurt në Izmir dhe u prit nga shërbimet e emergjencës vetëm si një masë rutinë dhe paraprake. "Të gjithë pasagjerët zbritën normalisht në terminal dhe iu ofrua akomodim në hotel dhe ushqim. Pasagjerët do të vazhdojnë për në Bristol me një avion zëvendësues më vonë gjatë ditës. Siguria e klientëve dhe ekuipazhit tonë është përparësia më e lartë e easyJet dhe easyJet operon flotën e saj të avionëve në përputhje të rreptë me të gjitha udhëzimet”.