Bosi i Tëitterit ka zbuluar logon e re të medias sociale, e cila është një X i bardhë mbi një sfond të zi e që do të zëvendësojë zogun ikonik ngjyrë blu. Në një postim në tëitter, mëngjesin e të hënës, Linda Yaccarino tha: “X-i është këtu. Le ta bëjmë këtë”. Sipas pronarit të Tëitter, Elon Musk, edhe fjala ‘Tëeets’ tani do të zëvendësohet dhe postimet do të quhen iksa... Miliarderi ndryshoi edhe foton e tij të profilit duke shtuar logon e re dhe shtoi një X.com në bion e tij në Tëitter. Musk do të krijojë një super aplikacion të quajtur X, që është edhe vizioni i tij për një lloj të ri platforme të medias sociale, për të cilën ai ka muaj që flet. Të dielën, miliarderi tha se ai do të ndryshonte logon e tëitterit: Së shpejti do ti themi lamtumirë markës tëitter dhe gradualisht edhe të gjithë zogjve – shkroi ai. Më pas, ai ndau një foto të logos së re të projektuar në anë të zyrave qendrore të Tëitterit në San Francisco. Musk që më herët ka ndryshuar emrin e biznesit në X corp, dhe tha se zëvendësimi duhej bërë kohë më parë.