Turqia tha të premten se një nga dronët e saj humbi gjatë operacioneve kundër militantëve kurdë në Sirinë verilindore për shkak të "vlerësimeve të ndryshme teknike" me palët e treta në terren, duke shtuar se Ankaraja do të vazhdojë të godasë objektivat e militantëve në Siri dhe Irak. “Palët e treat” ëshët referenca për amerikanët që ndodhen ën Siri, pasi ishin pikërisht Shtetet e Bashkuara që rrëzuan të enjten një dron të armatosur turk që po vepronte pranë trupave të saj në Siri, në herën e parë që Uashingtoni rrëzon një avion të aleatit të NATO-s, Turqisë. Në një deklaratë, Ministria e Jashtme turke, pa përmendur një vend specifik, tha se po punon me palët përkatëse në terren për të përmirësuar funksionimin e mekanizmave jokonfliktorë në terren. Ai shtoi se rrëzimi i dronit të tij nuk ndikoi në operacionet ushtarake të Ankarasë në rajon. Që prej sulmeve terroriste në Ankara të dielën e kaluar, Turqia ka nisur një valë bombardimesh të bazave të kurdëve në Sirinë verilindore, duke goditur fshatra të tërë.