Mediat serbe kanë lëshuar këtë të premte alarmin duke raportuar se Turqia po armatos Kosovën. Sipas gazetës Kurir, autoritetet serbe jo zyrtarisht kanë marrë informacionin se aktualisht, 11 kamionë gjenden në kufirin mes Bullgarisë dhe Maqedonisë që po lëvizin drejt kosovës. Sic raporton Kurir, kamionët mbajnë armë moderne, mortaja dhe raketa nga Turqia, me vlerë 27.5 milionë euro dhe janë porositur nga ministria e mbrojtjes së Kosovës. Dhe kjo, për gazetën serbe, është provë e qartë se ushtria e kosovës po armatoset intensivisht. Këtë mëngjes, qeveria e serbisë i paraqiti një kërkesë zyrtare misionit të natos në Kosovë, KFOR, rikthimin e 100 deri në 1 mijë forcave serbe të sigurisë, mbëhstetur në rezolutën 1244 të kombeve të bashkuara dhe e bëri këtë në pikën kufitare të Merdares. Një natë më parë qeveria e serbisë vendosiu që të dërgonte kërkesën dhe sot e zyrtarizoi atë. Sipas Kurir, mbi barrikadat e ngritura në veri të kosovës qëndrojnë qytetarë serbë, të cilët përpiqen të tërheqin vëmendjen tek problemet e tyre, që vijojnë prej muajsh dhe janë përshkallëzuar në një fazë të re të krizës me arrestimin e Miljan Axhiç dhe Dejan Pantiç.