Pesë persona, në mesin e tyre edhe një grua, u arrestuan nga policia bullgare, pasi dyshohet se janë të përfshirë në sulmin terrorist të pak ditëve më parë në sheshin Taksim në Stamoll, ku 6 persona humbën jetën dhe 86 të tjerë mbetën të plagosur. Të arrestuarit do të mbahen në paraburgim për 72 orë, ku më pas gjykata do të marrë vendimin për to, për tre shtetasit moldave dhe dy arabët. Pesë personat akuzohen për mbështetje të akteve terroriste në shtet tjetër dhe për trafik të qenieve njerëzore. Nga ana tjetër, ekipet e terrorizmit në Stamboll kanë arrestuar 8 persona, si të dyshuar se kanë gisht në sulmin terrorist të 13 nëntorit. Qeveria turke ka thënë se sulmi në rrugën e njohur Istiklal në afërsi të sheshit Taksim është kryer nga organizata terroriste. Turqia, dhe Stambolli në vecanti kanë qënë gjithnjë në shënjestër të terroristëve të ISIS por edhe ekstremistëve sirianë apo kurdë të cilët e kanë kthyer qytetin në dëshmitarin e dhjetëra sulmeve të përgjakshme ndaj qytetarëve të pafashëm. Presidenti turk Recep Tayyip Erdogan u zotua për hakmarrje pas sulmit me bombë që goditi qytetin e Stambollit, e cila është shenjëstruar edhe më herët në vitin 2016. Erdogan tha se shpërthimi ishte një sulm i pabesë ndaj popullit turk dhe se autorët e tij do të ndëshkoheshin.