Turqia ka filluar të paguajë në rubla një pjesë të gazit natyror nga Rusia. Kështu tha të martën ministri turk i Energjisë, Fatih Donmez. Në një intervistë për transmetuesin TRT, ai tha se në muajt e ardhshëm pjesa e pagesave në monedhën vendase në importet e energjisë ruse do të rritet. Rusia, e goditur nga sanksionet perëndimore për pushtimin e saj në Ukrainë, po kërkon gjithnjë e më shumë nga blerësit e energjisë së saj të paguajnë në rubla për të ndihmuar në forcimin e monedhës së saj. Shumica e marrëveshjeve ndërkombëtare të energjisë bëhen në dollarë amerikanë ose euro. Turqia është angazhuar që gradualisht të nisë që të paguajë me rubla për importet e energjisë ruse. Ky angazhim u ndërmor në samitin midis Erdoganit dhe Putinit në Soçi në muajin shtator.