Pasi mijëra ndërtesa të shkatërruara nga tërmetet, një pjesë e cilave ishin ngritur pas vitit 2016, Turqia ka nisur të premten hetimin ndaj ndërtuesve. Ministri turk i Drejtësisë thotë se ka nisur hetimi ndaj kompanive ndërtuese në rajonet e prekura nga tërmeti. Bekir Bozdag u shpreh,në një konferencë për shtyp se kushdo që ka faj, kushdo që ka neglizhuar, do të dërgohet para drejtësisë dhe do të mbajë përgjegjësi. Ministri theksoi se 206 prokurorë janë caktuar nga Këshilli i Gjyqtarëve dhe Prokurorëve për proceset gjyqësore që pritet të mbahen së shpejti.