Ministri i Jashtëm rus Sergei Lavrov do të vizitojë Turqinë të hënën për të diskutuar mbi bisedimet e fundit të vendit të tij me zyrtarët amerikanë për përfundimin e luftës në Ukrainë dhe se si Ankaraja mund të kontribuojë në proces, tha të dielën një burim i ministrisë së jashtme turke. Turqia, anëtare e NATO-s, e cila priti negociatat fillestare mes Rusisë dhe Ukrainës muaj pas fillimit të luftës në vitin 2022, "është gati të marrë këtë rol në periudhën e ardhshme", tha burimi, duke kërkuar anonimitetin. Vizita e Lavrov përkon me tre vjetorin e pushtimit të plotë të Ukrainës nga Rusia. Burimi shtoi se Lavrov dhe homologu i tij turk Hakan Fidan do të diskutojnë gjithashtu armëpushimin në Gaza dhe situatën në Siri, ku Turqia do të theksojë nevojën për unitet territorial sirian dhe dëbimin e terroristëve