“Turqia synon të ketë së shpejti sistemin e mbrojtjes ajrore me shumë shtresa, “Kupolën e Çelikut””, ka deklaruar Presidenti turk, Recep Tayyip Erdogan. Ai shtoi se Ankaraja do të rrisë gjithashtu aftësitë e raketave me rreze të gjatë veprimi. Sipas reuters, gjatë viteve të fundit, Turqia, ka reduktuar ndjeshëm varësinë nga furnizuesit e jashtëm të pajisjeve të mbrojtjes, pasi është prodhuesi kryesor i dronëve të armatosur për tregun global dhe prodhon një numër të madh armësh për nevojat e veta. Erdogan krahasoi sistemin e mbrojtjes ajrore turke “Kupolën e Çelikut”, me systemin ajror mbrojtës izraelit Kupola e Hekurt. “Tani po kuptohet shumë më mirë sa të rëndësishme janë sistemet tona shumë-shtresore të mbrojtjes ajrore për sigurinë. Nëse ata (Izraeli) kanë Kupolën e Hekurt, ne do të kemi Kupolën e Çeliktë’, tha Erdogan gjate një ceremonie.