Turqia ka pranuar të furnizojë me dronët e saj gjithnjë e më të kërkuar, egjiptin, pasi dy vendet normalizuan marrëdhëniet pas një dekade shkëputje, tha ministri i jashtëm turk Hakan Fidan. Presidenti turk, rexhep tayyip erdogan pritet të udhëtojë në egjipt më 14 shkurt për të takuar homologun abdel fattah al sisi, në vizitën e parë të tij që kur ankaraja dhe kajro rikthyen marrëdhëniet duke emëruar ambasadorë,vitin e kaluar. Fidan tha ndërkohë për mediat turke, se erdogan do të diskutojë për cështjet dypalëshe dhe ato rajonale me homologun egjiptian, përfshirë tregtinë, energjinë dhe sigurinë. “Normalizimi i marrëdhënieve tona është i rëndësishëm dhe është e rëndësishme për egjiptin që të ketë një lloj të caktuar të teknologjisë. Ne kemi një marrëveshje për të furnizuar egjiptin me dronë dhe teknologji të tjera”, tha Fidan, pa dhënë më shumë detaje. Kërkesa ndërkombëtare për dronët turq është rritur shumë pas ndikimit të tyre në konfliktet në siri, libi, azerbajxhan dhe Ukrainë. Etiopia, që ka marrëdhënie të ftohta me egjiptin për shkak të një dige në lumin nil, është mes blerësve të dronëve turq.