Marrëdhëniet mes Turqisë dhe NATO-s duket se u përmirësuan pas vendimit të Ankarasë për të miratuar anëtarësimin e Finlandës në Aleancë, megjithëse po vazhdon të bllokojë Suedinë. Por gazeta Politico e cilëson Turqinë si fëmijën e llastuar të Nato, duke thënë se aleanca do të duhet ta pranojë këtë situatë dhe të jetojë me të. Qëndrimi i Turqisë është i fundit në një seri veprimesh që kanë nxehur aleatët e saj të NATO-s. Në vitin 2017, Turqia mori vendimin e diskutueshëm për të blerë një sistem raketor rus (S-400). Ajo ka sulmuar në mënyrë të përsëritur të njëjtën milici kurde të mbështetur nga SHBA në Siri, dhe deri më sot, udhëheqësi i Turqisë, Rexhep Tajip Erdogan, ende mban bisedime të rregullta me Vladimir Putin. Deri të enjten, Turqia e kishte bllokuar gjithashtu Finlandën nga anëtarësimi në NATO për muaj të tërë, edhe pse lufta shpërtheu aty pranë. Në një lëvizje simbolike, Shtëpia e Bardhë nuk i ftoi zyrtarët turq në Samitin e Demokracisë. Gjithashtu, disa vëzhgues po pyesin hapur se si Turqia, një anëtare e NATO-s që nga viti 1952, përshtatet në aleancën e mbrojtjes perëndimore.