Bilanci i tërmetit në Turqi dhe Siri ka kapërcyer 9500 viktimat. Sipas të dhënave zyrtare, në turqi janë nxjerrë nga rrënojat 6957 trupa të pajetë ndërsa në siri numërohen 2547 viktima. Dhe ky bilanc drithërues pritet të rritet ndëkohë që ekipet e shpëtimit janë në garë me kohën për të gjetur ndonjë të mbijetuar. Përpjekjet e tyre janë penguar nga temperaturat e ulëta dhe qindra pas tërmete të cilat e kanë bërë të rrezikshme punën në strukturat e paqëndrueshme. Disa prej dëmeve më të mëdha janë regjistruar në provincën turke të Gaziantepit, ku qindra ndërtesa janë shembur dhe janë bllokuar rrugët, duke penguar përpjekjet e shpëtimit. Personat që i kanë mbijetuar tërmetit, shumica prej të cilëve nuk kanë këpucë e as rroba të ngrohta, po përballen me mbijetesë në temperatura të ulëta. Presidenti turk, Recep Tayyip Erdogan, do të vizitojë gjatë ditës zonën e prekur nga tërmeti. “Kjo është një prej fatkeqësive më të mëdha në rajonin tonë dhe në botë, jo vetëm në historinë e republikës sonë”, tha ai.