Turku Mujdat Sayan I është drejtuar me një kërkesë Gjykatës së Lartë, duke kundërshtuar dënimin e tij me 12 vite burg, për veprat penale “Vrasje për shkak të marrëdhënieve familjare ose të bashkëjetesës”, mbetur në tentativë dhe “Armëmbajtje pa leje”. Në fakt Shkalla e Parë e kishte dënuar me 10 vite burg vetëm për veprën e parë, ndërsa të dytën e kishte rrëzuar, por Apeli e gjeti fajor edhe për “armëmbajtje pa leje”, duke e dënuar në total 12 vite burgim, pavarësisht se Prokuroria e Krimeve të Rënda kishte kërkuar 27 vite. 62-vjeccari kërcënoi të vriste një shtetase shqiptare me të cilën kishte pasur një lidhje dhe nuk pranonte ndarjen. Bëhet fjalë për Nerajda Laze, në atë kohë 45 vjeçe, lindur në Vlore e banuese me qira në Rrugën “Bardhyl” Tiranë, punonjese policie e Patrullës së Përgjithshme në Komisaritin e Policisë Nr. 1 Tiranë.