Një klinikë dentare në zonën e Don Boskos në Tiranë jo vetëm që nuk deklaronte të ardhurat, por gjatë kontrolleve iu gjetën edhe produkte të skaduara dhe pa fatura zhdoganimi. Në aksioni e ndërmarrë nga seksioni për hetimin dhe pastrimin e parave në policinë e Tiranës, në pranga ka përfunduar administratori i klinikës dentare, një shtetas turk, ndërsa nën hetim është vënë koordinatorja dhe dy laborante të subjektit. Në pranga ka përfunduar 59 vjeçari turk me inicialet A.Y., ndërsa hetimi në gjendje të lirë vijon për kordinatoren e klinikës dentare, një 35 vjeçare dhe dy laborantët, L.S. 21 vjeç dhe A.A., 42 vjeç, që të tre shtetas shqiptarë. Nga kontrolli në ambientet e klinikës u gjetën dhe u sekuestruan me cilësinë e provës materiale, 300 shishe me produkte, shumica të skaduara, me vlerë rreth 100 000 euro, për të cilat nuk disponoheshin fatura zhdoganimi, si dhe mandate të pafiskalizuara.