Të dhënat e INSTAT për muajin qershor tregojnë rritje si rritje të numrit të turistëve, ashtu edhe të netqëndrimeve të tyre në vendin tonë. Megjithatë, ritmi i rritjes së dy treguesve nuk ecën paralel. Sipas INSTAT, numri i vizitorëve të akomoduar në strukturat turistike arriti në 586 mijë, nga 501 mijë në qershor 2025. Kjo përkthehet në një rritje vjetore prej 17 për qind. Por, nëse vizitorët në strukturat akomoduese u rritën me 17 për qind, net-qëndrimet u rritën me 10 për qind. Të huajt janë motori kryesor i rritjes me gati 21 për qind më shumë se sa qershori i vitit të kaluar, ndërsa vizitorët rezidentë nëpër strukturat akomoduese u rritën me 7 për qind. Sa i përket shpërndarjes gjeografike, në qershor bregdeti dominoi vizitorët vendas dhe të huaj me 72 për qind të totalit, teksa veriu i vendit vijon të mbetet më i preferuar kryesisht nga të huajt, pjesa dërrmuese e të cilëve turistë polakë.