Qindra evropianë që udhëtojnë në perëndimin e largët Amerikan dhe aventurierë nga e gjithë SHBA-ja, vazhdojnë ti drejtohen Parkut Kombëtar të Luginës së Vdekjes, edhe pse rajoni i shkretë, i njohur si një nga vendet më të nxehta të Tokës, po ndëshkohet nga një valë e rrezikshme të nxehti që fajësohet për vdekjen e një motoçiklisti në fundjavë. Turistët francezë, spanjollë, anglezë dhe zviceranë lanë makinat e tyre me qira dhe me ajër të kondicionuar, për të bërë fotografi të peizazhit të shkretë, kaq të ndryshëm nga malet e mbuluara me borë dhe kodrat e rrethuara me gjelbërim që shohin në vendin e tyre. Ndërsa aventurierët amerikanë shijojnë risitë e luginës, edhe pse zyrtarët në parkun në Kaliforni po paralajmërojnë vizitorët të qëndrojnë të sigurt. Një nxehtësi kaq e madhe, mund të përbëjë kërcënim real për shëndetin