Presidentja e Komisionit Evropian, Ursula von der Leyen, do të anashkalojë Serbinë dhe Bosnje e Hercegovinën gjatë turneut të saj në Ballkan, ka njoftuar Komisioni Evropian (KE). Zëdhënsja e KE, ka bërë me dije se gjatë turneut presidentja von der Leyen do të vizitojë Tiranën, Prishtinën, Podgoricën dhe Shkupin, ku do të takohet me presidentët dhe kryeministrat, si dhe do të vizitojë projekte të financuara nga Bashkimi Evropian. Vizita në katër vendet e rajonit është parashikuar të zhvillohet nga 30 shtatori deri më 2 tetor. Në prag të zgjedhjeve parlamentare dhe të përgjithshme në Serbi dhe Bosnje e Hercegovinë, von der Leyen planifikon t’i vizitojë këto dy vende më vonë, ka deklaruar zëdhënësja e KE. Ky do të jetë turneu i gjashtë i presidentes së KE në rajon, një vizitë që tashmë është bërë traditë para publikimit të paketës vjetore të raporteve të progresit për vendet kandidate për anëtarësim në BE.