Të hënën starton etapa e parë e turit të 81-të çiklistik të Shqipërisë. Çiklistët do të nisen në orën 12:00 nga sheshi ‘Skënderbej’ në Tiranë në drejtim të Korçës, ku dhe do të mbyllet kjo etapë. Në kuadër të këtij aktiviteti, policia e shtetit ka marrë një sërë masash ku përgjatë gjithë këtij turi me qëllim garantimin dhe sigurimin e mbarëvajtjes së këtij aktiviteti. Me qëllim shmangien e vonesave që krijohen në trafik, për shkak të masave të sigurisë, Policia e Shtetit kërkon mirëkuptimin e të gjithe perdoruesve të rruges, qe në itineraret dhe oraret e garave, të evitohet në maksimum qarkullimi me mjete, si dhe të përdoren rrugë alternative. Kështu në aksin Tiranë-Korçë të hënën pritet të ketë trafik gjatë orarit të turit çiklistik. Ndërkohë etapa e dytë do të zhvillohet nga Korça në drejtim të Elbasanit ditën e martë në po të njëjtën orë. për të vijuar më tej me etapën e tretë që do të zhvillohet më datë 22 maj dhe që do të mbajet në aksin Elbasan-Kuçovë-Ura vajgurore-Lushnjë dhe do gtë përfundojë në Vlorë. Në të njëjtin orar do të jetë nisja dhe nga vlora drejt Llogarëasë më datë 23 maj. Turi do të mbyllet më datë 24 ndërsa nisja do të jetë në orën 10 nga Vlora në drejtim të Fierit.