Ukraina lëshoi një tufë dronësh kamikazë mbi Moskë disa orë para se Volodymyr Zelensky dhe Donald Trump të takohen në shtëpinë e bardhë. Gati 400 dronë mbushën qiellin mbi kryeqytetin e Rusisë dhe rajonin rreth tij ndërsa kryebashkiaku Sergei Sobyanin pretendoi se "shumica" ishin rrëzuar. Flakët përfshinë një depo logjistike në Podolsk, dhe një bllok apartamentesh në Chekhov u godit gjithashtu. Sulmi në Podolsk ndaj kompanisë logjistike e 3PL ishte afër një depoje masive që i përkiste Ëildberries, versioni rus i Amazon, e cila dukej e padëmtuar. Ndërsa Ukraina ka shtuar sulmet ndaj depove ruse të shitjes me pakicë, si dhe rafinerive të mëdha të naftës, vendit të lodhur nga lufta po i mbaron mbrojtja ajrore e nevojshme. Presidenti ukrainas pritet ta shfrytëzojë vizitën e tij në Shtëpinë e Bardhë për të ushtruar presion ndaj homologut të tij amerikan.