Një tualet i larë me ar dhe të tjerë sende luksi u gjetën në një rezidencë në të cilën ndërhynë për një kontroll hetuesit rusë, në kuadër të një operacioni kundër një bande policësh të korruptuar. Komiteti hetimor shfaqi në faqen e tij të internetit një video të ambjenteve luksoze në rezidencën e madhe, si një nga shumë pronat e kontrolluara. Koloneli Aleksei Safonov, shef i policisë së trafikut në rajonin jugor Stavropol, u arrestua bashkë me gjashtë zyrtarë të tjerë. Policët e trafikut me sa duket kishin marrë ryshfete duke lëshuar leje të rreme për bizneset. Lejet i mundësonin drejtuesve të mjeteve të kalonin pikat e kontrollit të policisë me ngarkesa të paautorizuara me grurë apo materiale ndërtimi. Forcat e policisë në rajonin e kaukazit verior u përfshinë në operacionin anti korrupsion. Hetuesit thonë se kanë kryer 80 bastisje, përfshirë atë në zyrat e policisë së trafikut dhe kanë konfiskuar një sasi të madhe parash dhe makina luksoze po ashtu.