Shkencëtarët po zhvillojnë një Inteligjencë artificiale aq të avancuar sa që mund të krahasohet me një tru digjital që do të ishte shumë më i zhvilluar se sa truri njerëzor dhe ne duhet të tmerrohemi nga kjo – paralajmëron Kevin Baragona, themelues i DeepAI. Ai nënvizon se sistemet supernjerëzore të inteligjencës që po zhvillohen shpejt, do të na cojnë në një lloj të ri të ardhmeje dhe kjo duhet të na tmerrojë ne. Thënë nga njeriu që ia ka dedikuar jetën inteligjencës artificiale gjenerative, apeli për tu ndalur tani mund të duket i pazakontë. Ai i është bashkuar korit në rritje të Silicon Vallejt, që po përpiqen të ekspozojnë kërcënimet e menjëhershme dhe ato ekzistenciale që softueri po i kanos të ardhmes tonë. Kevin e krahason zhvillimin e shpejtë të inteligjencës artificiale gjenerative, me rritjen e një truri digjital. Dhe duke qenë se ne nuk e kuptojmë ende plotësisht mendjen njerëzore, mund të arrijmë në një pikë në të cilën të mos kuptojmë më as inteligjencën artificiale. “Nëse ne krijojmë kompjutera më të zgjuar se sa njerëzit, atëherë cfarë do të mbetet për këta të fundit?” thotë Kevin në një vizion të zymtë për të ardhmen. Ai paralajmëron se vijat e betejës po krijohen, me dy kampe kundërshtare brenda industrisë teknologjike; ekipin – të ecim më shpejt dhe ekipin- të vendosim rregulla e kufizime. Ai paralajmëroi për zhvillimin e shpejtë të inteligjencës artificiale, që sipas tij sjell një rrezik të krahasueshëm me atë të armëve bërthamore. Teknologjia, sipas tij, po zhvillohet shumë shpejt për të qenë e mirë...