Sa më shumë i afrohen trupave amerikane kufijve të Rusisë, aq më shumë Rusia duhet të rrisë sigurinë e saj – tha zëdhënësi i kremlinit Dmitry Peskov të mërkurën duke komentuar dislokimin e divizionit të 101-të të ushtrisë amerikane në Rumani. “Sa më pranë kufijve tanë të jenë trupat amerikane, aq më i madh është rreziku për ne”, tha Peskov para gazetarëve duke shtuar se mbi këtë bazë Rusia do të hartojë një politikë të garantimit të sigurisë së saj. Lëvizje të tilla të trupave amerikane pranë kufijve të rusisë, nuk cojnë në forcimin e parashikueshmërisë dhe stabilitetit në rajon – shtoi zyrtari. Media amerikane raportoi javën e kaluar se 4600 ushtarë nga divizioni i 101 i ushtrisë amerikane, bashkë me armatime të rënda, janë dislokuar në Rumani për të parën herë në më shumë se 80 vite për të qenë të gatshëm atje në rast të një sulmi mbi territor të NATO-s në mesin e konfliktit rusi-Ukrainë. Më herët, zëdhënësi i këshillit të sigurisë kombëtare në shba, John Kirby, tha se asgjë nuk kishte ndryshuar në qëndrimin e presidentit amerikan Joe Biden se nuk do të ketë trupa amerikane që do të luftojnë brenda në Ukrainë.