Sekretari amerikan i Mbrojtjes Pete Hegseth paralajmëroi të premten aleatët e NATO-s në Evropë kundër supozimit se prania e trupave amerikane në kontinent do të "zgjatë përgjithmonë", pasi u kërkoi atyre të shpenzojnë më shumë për mbrojtjen. "Tani është koha për të investuar sepse nuk mund të supozoni se prania e Amerikës do të zgjasë përgjithmonë," u tha Hegseth gazetarëve në krah të homologut të tij polak në Varshavë. Ai vizitoi Poloninë në udhëtimin e tij të parë në Evropë si zyrtar i lartë në administratën e Presidentit Donald Trump. Ky i fundit u ka bërë vazhdimisht thirrje anëtarëve të NATO-s që të rrisin shpenzimet e tyre ushtarake. Hegseth vlerësoi "aleatin model" Poloninë, një vend në krahun lindor të NATO-s që kufizohet me Rusinë dhe Ukrainën, për shpenzimet e saj të mbrojtjes.