Nëse Irani do të sulmojë izraelin, gjermania nuk e di se cfarë do të bëjë. Ministri i jashtëm gjerman, Boris Pistorius, thotë në një intervistë për DË, se gjermania nuk do që të ketë një përshkallëzim dhe se po përdor të gjithë ndikimin e saj që situata të mos përshkallëzohet. Në Gjermani në fakt, ka pasur mosmarrëveshje prej kohësh mes partive politike, nëse Bundesëehri duhet të përfshihet në rast të një sulmi iranian, me qëllim mbrojtjen e Izraelit. Gjermania e furnizon me armë Izraelin, Berlini mbështet qeverinë e Izraelit në shumë fusha. Sidoqoftë, përfshirja e ushtarëve gjermanë ishte dhe është ende e paimagjinueshme. Deri më tani, qeveria izraelite asnjëherë nuk ka kërkuar aktivizimin e Bundesëehrit në konflikt. Megjithatë, ka zëra në gjermani sipas të cilëve qeveria gjermane duhet të "zgjohet më në fund" në kontekstin e shtrëngimit të situatës. Si shembuj të mundshëm të angazhimit përmenden furnizimi me karburant i avionëve luftarakë të vendeve aleate në ajër, domethënë përfshirja e Eurofighters në mbrojtje kundër dronëve iranianë. Por, nënvizohet se Ushtarët gjermanë nuk duhet të sulmojnë objektivat në Iran. Këshilli i Hebrenjve në Gjermani ndërkohë thotë: "Përgjegjësia historike e Gjermanisë për sigurinë e Izraelit nuk është ligjërisht e detyrueshme. Por për mendimin tim, kjo sigurisht do të thotë se në rast të një sulmi të përmasave të mëdha edhe Gjermania do të jetë ushtarakisht në anën e shtetit hebre”.