Donald Trump ka përjashtuar mundësinë e një debati tjetër presidencial me rivalen e tij Kamala Harris, përpara zgjedhjeve të nëntorit. Ai tha të enjten, dy ditë pas përballjes së parë mes tyre në Filadelfia, se Harris donte një përballje tjetër sepse ai fitoi "qartësisht". Disa sondazhe të bëra pas debatit të së martës treguan se votuesit mendonin se Harris kishte performuar më mirë se kundërshtari i saj republikan.Trump ndërkohë tha se Harris duhet të "përqendrohet" më shumë në punën e saj si zëvendëspresidente. Menjëherë pas kësaj deklarate, nga një tubim në Karolinën e Veriut, Harris u përgjigj duke thënë se ata "u detyrohen" votuesve një debat tjetër. Sondazhet sugjerojnë se dy kandidatët janë në një garë jashtëzakonisht të ngushtë kur kanë mbetur vetëm dy muaj nga zgjedhjet. Të dy rivalët pretenduan fitore pas debatit 90-minutësh të së martës në ABC Neës, në të cilin Harris e nxehu Trumpin me një varg sulmesh personale që e vendosën këtë të fundit në mbrojtje. Debatet televizive mes kandidatëve për president në SHBA, datojnë që nga viti 1960, kur John F Kennedy u përball me Richard Nixon.