Sinqeriteti dhe vërtetësia e Donald Trump, apo edhe njohuritë e tij për gjeografinë e Lindjes së Mesme, janë vënë sërish në dyshim pasi ish-presidenti pretendoi se kishte qenë në Gaza, megjithëse nuk ka asnjë provë që ai të ketë vizituar ndonjëherë territorin palestinez të shkatërruar nga lufta. Trump ngriti vetullat pasi kandidati republikan në zgjedhjet presidenciale të nëntorit i tha Hugh Heëitt, një drejtues i një radioje të djathtë, se ai kishte qenë në rripin e vogël bregdetar ku më shumë se 41,000 njerëz janë vrarë dhe pjesa dërrmuese e ndërtesave janë shkatërruar nga sulmet e ushtrisë izraelite. I pyetur nga Heuitt nëse Gaza mund të shndërrohet në një Monako nëse rindërtohet siç duhet, Trump u përgjigj: “Mund të jetë më mirë se Monaco. Ka vendndodhjen më të mirë në Lindjen e Mesme, ujin më të mirë, gjithçka më të mirë. Është më e mira, e kam thënë prej vitesh. Kam qenë atje dhe është e vështirë. Ishte një vend i vështirë edhe pra luftës së tanishme”. Heuitt nuk e kundërshtoi pohimin e Trump se kishte vizituar territorin, megjithatë, Neë York Times tha se nuk kishte të dhëna që Trump të kishte shkuar ndonjëherë atje, qoftë kur ishte president apo edhe në ndonjë kohë tjetër.