Ministri I mbrojtjes i Gjermanisë, Boris Pistorius, ka reaguar pas vendimit të SHBA, për tërheqjen e 5 mijë trupave ameriakane. Sipas tij, vendimi i SHBA-së për tërheqjen e trupave amerikane nga Evropa, përfshirë edhe Gjermaninë ishte i parashikueshëm. Evropianët duhet të marrin më shumë përgjegjësi për sigurinë e tyre, tha Pistorius. Ministri gjerman tha se Gjermania do të bashkëpunojë ngushtë me Grupin e Pesë vendeve në misionet e ardhshme, i cili përfshin Mbretërinë e Bashkuar, Francën, Italinë dhe Poloninë. Pentagoni ka njoftuar më herët planet për tërheqjen e 5,000 trupave amerikane nga Gjermania. Ministri I mbrojtjes gjerman, Pistorius shton se Gjermania ishte "në rrugën e duhur" sa i përket mbrojtjes së saj, duke treguar zgjerimin e forcave të armatosura të Bundesëehr-it, prokurimin më të madh dhe më të shpejtë të pajisjeve dhe ndërtimin e infrastrukturës. Në lidhje me vendimin e tërheqjes së trupave amerikane në Gjermani, ka reaguar edhe NATO, e cila është shprehur se po punon me SHBA-në për të kuptuar vendimin.