Krahasimi që Donald Trump u bëri sulmeve në Iran me sulmet bërthamore të Luftës së Dytë Botërore mbi Hiroshimën dhe Nagasakin kanë shkaktuar zemëratë dhe ofendim në Japoni. Mbi 140 mijë persona vdiqën në dy qytetet japoneze nga bombat e hedhura në gusht të vitit 1945, “Nëse komentet e Trump justifikojnë hedhjen e bombës atomike, kjo është jashtëzakonisht shqetësuese për ne si banorë të qytetit që u bombardua“, tha kryetari i bashkisë së Nagasakit. Komentet e Trump janë të papranueshme thanë të afërm të viktimave dhe të personave të mbijetuar nga sulmi bërthamor. Të mbijetuarit e sulmeve me bombë atomike organizuan një protestë në Hiroshima të enjten, duke kërkuar që Trump të tërheqë deklaratën e tij. Ligjvënësit në Hiroshima miratuan gjithashtu një rezolutë të enjten që hedh poshtë deklaratat që justifikojnë përdorimin e bombave atomike. Ata gjithashtu bënë thirrje që konfliktet e armatosura të zgjidhen në mënyrë paqësore.