Donald Trump ka përsëritur sulmin e tij kundër aleatëve evropianë dhe të NATO-s duke pretenduar se ushtritë e tyre shmangën vijat e frontit të luftës në Afganistan. Në një intervistë të transmetuar të enjten, presidenti amerikan gjithashtu pretendoi se Amerika “nuk pati kurrë nevojë” për mbështetje nga forcat e armatosura evropiane gjatë pushtimit të afganistanit. Trump i bëri komentet pasi mbajti një fjalim në Davos të mërkurën në të cilin tha se “nuk ishte i sigurt” nëse NATO do të ishte “atje për ne nëse do t’u bënim thirrje”, duke shkaktuar një përgjigje të fortë nga Mark Rutte, sekretari i përgjithshëm i aleancës. Të enjten, duke folur për Fox Neës, presidenti amerikan përsëriti: “Gjithmonë kam thënë, a do të jenë ata atje nëse do të kemi nevojë për ta? Ky është vërtet testi përfundimtar, dhe nuk jam i sigurt për këtë. Ne kurrë nuk kemi pasur nevojë për ta. Ata do të thonë se dërguan disa trupa në Afganistan dhe e bënë, por ata qëndruan prapa, larg vijave të frontit.”