Ish presidenti i Shteteve të Bashkuara të Amerikës, Donald Trump është shpallur fajtor për 34 akuza. Trump është bërë ish-presidenti i parë amerikan që dënohet penalisht. Në një vendim historik, ai u shpall fajtor për falsifikimin e të dhënave të biznesit për të ndikuar jashtëligjshëm në zgjedhjet presidenciale të vitit 2016, përmes pagesave për heshtjen ndaj aktores së filmave pornografikë, Stormy Daniels, e cila tha se kishte kryer marrëdhënie seksuale me të. Ndërsa lexohej vendimi, ai qëndronte me një vështrim të ngrirë dhe nga jashtë sallës së gjyqit dëgjoheshin brohorima nga njerëzit mbledhur aty jashtë, si kundërshtarë edhe përkrahës të tij. Trump akuzohet për 34 akuza penale, përfshirë për falsifikimin e 11 faturave, 12 kuponëve dhe 11 çeqe, për ta fshehur pagesën në vlerë prej 130.000 dollarëve që ia kishte bërë Stormy Danielsit për ta blerë heshtjen e saj.