Presidenti amerikan Donald Trump u takua me Mbretin Charles këtë të martë, ndërsa e nisi fjalimin e tij si rrallë herë duke bërë batuta që shkaktuan të qeshura. “Mbreti do t’i bëjë të gjithë shumë ziliqarë për atë theks të bukur”, tha presidenti amerikan ndërsa e tha për Charles se është një njeri shumë elegant dhe se dëshmon shpirtin fisnik të britanikëve. Trump nënvozoi më tej se në shekujt që kur SHBA-të arritën pavarësinë, “amerikanët nuk kanë pasur miq më të ngushtë se britanikët”. “Ky kuptim i lidhjes dhe rolit unik të kombeve tona në histori është thelbi i marrëdhënies sonë të veçantë dhe shpresojmë që gjithmonë të mbetet kështu. Le të ecim përpara me një vendosmëri edhe më të fortë për të vazhduar përkushtimin tonë të shenjtë ndaj lirisë dhe traditave të përsosmërisë që kanë qenë dhuratë e përbashkët e të gjithë njerëzimit.”, tha Trump.