Ish-presidenti i SHBA njëherazi edhe kandidati republikan Donald Trump ka folur për gabimin më të madh që ai ka bërë gjatë kohës kur ka qenë në krye të Shtëpisë së Bardhë. Trump, tha gjatë një interviste me podkasterin amerikan Joë Rogan se gabimi më i madh që ai bëri gjatë presidencës së tij ishte punësimi i njerëzve të pabesë dhe të gabuar. Gjatë intervistës ish-presidenti foli edhe për pretendimet e tij se humbja e tij në zgjedhjet presidenciale të vitit 2020 ndaj Joe Biden ishte një rezultat i manipuluar. Por Trump e ndryshoi temën kur Rogan e pyeti nëse do të publikonte ndonjëherë prova që vërtetonin se zgjedhjet ishin "vjedhur". Trump tha: “Nëse fitoj, këto do të jenë zgjedhjet e mia të fundit”. Fushata e republikanit shpreson se intervista do të konsolidojë ndikimin e tij me votuesit meshkuj, të cilët përbëjnë shumicën e ndjekësve të podkasterit amerikan, ku numërohen 14.5 milionë ndjekës të Spotify dhe 17.5 milionë subscribe në YouTube.