Shtëpia e Bardhë ka hapur një faqe të re, të quajtur "Shkelësit në media". Në të renditen faqet e lajmeve, gazetarët dhe historitë që pretendohet se janë të rreme dhe kanë mashtruar publikun. Publikimet kryesore të konsideruar si "shkelësit e javës në media" ishin Boston Globe, CBS Neës dhe Independent. Gazetarët e këtyre mediave u konsideruan shkelës për historitë që kishin publikuar rreth një videoje të gjashtë deputetëve demokratë. Deputetët, të gjithë veteranë të ushtrisë ose ish-zyrtarë të shërbimeve sekrete, u kujtuan punonjësve të këtyre shërbimeve se nuk janë të detyruar të ndjekin urdhra të paligjshëm. Në një video të postuar javën e kaluar në internet, deputetët thanë: "Sot, kërcënimet ndaj Kushtetutës sonë nuk vijnë vetëm nga jashtë, por edhe nga brenda nesh." "Ligjet tona janë të qarta: ju mund t'i refuzoni urdhrat e paligjshëm. Ju duhet t'i refuzoni urdhrat e paligjshëm. Askush nuk është i detyruar të zbatojë urdhra që shkelin ligjin ose Kushtetutën tonë", shtuan ata. Presidenti Donald Trump, i quajti veprimet e këtyre deputetve si "kryeneçësi" dhe "tradhti". Faqja e Shtëpisë së Bardhë përmban një "holl turpi për shkelësit" me një listë historish që Shtëpia e Bardhë i konsideron si të pavërteta. Çdo histori shpjegohet dhe klasifikohet në kategori të tilla si "gënjeshtër", "mungesë konteksti" ose "lajthitje e majtë". Shtëpia e Bardhë tha se faqja është "një regjistër historish të rreme dhe mashtruese të medias të konstatuara nga Shtëpia e Bardhë". Faqja gjithashtu përmban një tabelë ku renditen faqet e mediave për të cilat administrata pretendon se kanë raportuar në mënyrë jokorrekte. The Ëashington Post kryeson listën, e ndjekur nga MSNBC, CBS Neës, CNN, The Neë York Times, Politico dhe The Ëall Street Journal. Ekziston gjithashtu një seksion me media që sipas administratës së Trumpit janë "shkelës të përsëritur të ligjit të mediave".