Ish-kryeministri francez Dominique de Villepin ka lëshuar një paralajmërim të fortë ndaj vendeve evropiane lidhur me rritjen e shpenzimeve ushtarake dhe varësinë ndaj mbrojtjes amerikane. Në një intervistë ai theksoi se pa mbrojtjen e sovranitetit dhe pa ndërtimin e një mbrojtjeje të pavarur, llogaritjet e vendeve të BE-së janë “cinike dhe të pasigurta”. Deklaratat e ish-kryeministrit vijnë në një kohë kur ai ka zyrtarizuar qëndrimin e tin për të kandiduar në zgjedhjet presidenciale të vitit 2027, si dhe ka shpallur krijimin e partisë së re politike “La France humaniste”. Ai kritikoi gjithashtu qasjen e disa udhëheqësve perëndimorë ndaj liderëve globalë, duke e cilësuar atë si “diplomaci të puthjes”. Sipas tij, “edhe liderët më vanitozë lodhen nga gjestet servile”, duke shtuar se “Europa duhet të ndalë përkëdheljen e fuqive të mëdha dhe të mbrojë vlerat e saj”. Sa i përket armëpushimit mes Iranit dhe Izraelit, ish-kryeministri francez u shpreh se presidenti amerikan Donald Trump është “tërhequr në një fushatë që Netanyahu e paraqiti si një fitore të lehtë”, duke e konsideruar ndërhyrjen si të nxituar dhe potencialisht të rrezikshme. Ai tha se Trump kërkon fitore të lwhta por krijon precedent të rrezikshëm.