Shtetet e Bashkuara po rrisin presionin mbi Meksikën për të lejuar forcat ushtarake amerikane të kryejnë operacione të përbashkëta për të çmontuar laboratorët e fentanilit brenda vendit, raportoi të enjten Neë York Times, duke cituar zyrtarë amerikanë. Zyrtarët amerikanë duan që forcat amerikane, qoftë trupa të Operacioneve Speciale apo oficerë të CIA-s, të shoqërojnë ushtarët meksikanë në operacionet kundër laboratorëve të dyshuar të fentanilit, tha raporti, duke cituar zyrtarë të paidentifikuar. Presidenti amerikan Donald Trump i tha Fox Neës javën e kaluar se kartelet po drejtonin Meksikën dhe sugjeroi që SHBA mund të godisnin objektiva tokësore për t'i luftuar ato, në një seri kërcënimesh për të vendosur trupa ushtarake amerikane kundër karteleve të drogës. Presidentja meksikane Claudia Sheinbaum tha këtë javë se ajo e ka përjashtuar mundësinë e një ndërhyrjeje ushtarake amerikane për të luftuar kartelet e drogës pas një "bisede të mirë" me Trump mbi sigurinë dhe trafikimin e drogës. Kërkesa e SHBA-së drejtuar Meksikës për të përdorur forcat amerikane u ripërtëri pasi forcat e Uashingtonit kapën Presidentin Venezuelan Nicolas Maduro më 3 janar, thotë raporti i Neë York Times. Sheinbaum edhe më herët ka refuzuar ofertat për veprime ushtarake nga Trump.