Donald Trump tha se është në gjendje të shkëlqyer shëndetësore duke hedhur poshtëë akuzat e ngritura ndaj tij në mandatin e parë, ku u kritikua për mungesë transparence. “Në përgjithësi, u ndjeva sikur isha në formë shumë të mirë. Një zemër e mirë, një shpirt shumë i mirë,” u tha Trump gazetarëve që e shoqëronin në Air Force One gjatë fluturimit nga Uashingtoni në Florida. Presidenti tha se përveç kontrollit kardiak, ai iu nënshtrua edhe një testi njohës sepse ai është “ndryshe nga Biden”. Gjatë fushatës zgjedhore, Donald Trump vazhdimisht sfidoi Joe Biden që t’i nënshtrohej një vlerësimi kognitiv, duke vënë në pikëpyetje gjendjen e tij mendore. “Nuk di çfarë t’ju them, përveçse i kam marrë të gjitha përgjigjet drejt”, u tha Trump gazetarëve. Ish-mjeku i tij personal Harold Bornstein pretendoi në vitin 2018 se Trump i kishte diktuar atij në dhjetor 2015 një opinion që thoshte se shëndeti i tij ishte i shkëlqyer.