Donald Trump dhe Kamala Harris, të dy kandidatë për zgjedhjet presidenciale të muajit nëntor në Shtetet e Bashkuara të Amerikës, ranë dakord që në datë 10 shtator të bëjnë debatin presidencial, në Abc Neës. Lajmi u konfirmua nga vetë kandidati për president Trump, i cili mbajti një konferencë nga shtëpia e tij në Mar a Lago në Florida këtë të enjte. Në datë 10 do të ketë një përballje mes kandidatëve republikanë dhe atyre demokratë. Trump fillimisht propozoi tre data gjatë muajit shtator, për të zhvilluar debatin me kandidaten demokrate, datën 4, 10 dhe 25 dhe ku të dyja palët ranë dakord që të bëhet në datë 10 shtator. Donald Trump nuk dha më shumë detaje rreth kësaj ngjarje, duke mos përcaktuar as vendin ku do bëhet debati dhe as nuk specifikoi nëse do të ketë apo jo audiencë. Përvec cështjes së debatit, Trump foli edhe për disa tema të tjera, ndër të cilat ishte edhe situata aktuale në Shetet e Bashkuara të Amerikës. Kamala Harris hyri në garë për Shtëpinë e Bardhë pasi presidenti Joe Biden u tërhoq nga gara për rizgjedhje muajin e kaluar. Pasi u tërhoq nga gara, Biden mbështeti Harris, gjë që solli edhe reagimin e Trump i cili tha se nuk do të debatonte me të, pasi nuk ishte kandidate zyrtare. Kamala Harris i siguroi votat e delegatëve për tu nominuar kandiarte e demokrattë për zgjedhjet e muajit nëntor. Kjo e fundit si zëvëndës president ka propozuar Tim Ëalz, guvernatorin e minesotës, ndërsa Trump senatorin JD Vance.