Ekipi i ish presidentit Donald Trump paraqiti një ankesë në Komisionin Federal të Zgjedhjeve kundër zëvendëspresidentes Kamala Harris, duke e akuzuar atë për shkelje të ligjeve federale të financimit të fushatës zgjedhore, përmes zëvendësimit të emrit të Joe Biden, me emrin e saj, për të marrë kontrollin e fondeve të fushatës së tij. Ankesa, e paraqitur nga këshilltari i përgjithshëm i fushatës së Trump, David Ëarrington, argumentoi se fushata e Bidenit nuk mund ta riemërtonte komitetin e saj nga "Biden për President" në "Harris për President" pasi Biden u tërhoq nga gara të dielën, dhe fondet e mbledhura kaluan 91 milionë dollarë. “Ky është pak më shumë se një kontribut i tepruar prej 91.5 milionë dollarësh nga një kandidat presidencial te tjetri, domethënë nga fushata e vjetër e Joe Biden në fushatën e re të Kamala Harris. Kjo përpjekje është një tallje me ligjet tona të financimit të fushatës”, thuhej në ankesën me tetë faqe. “Kandidatëve federalë u ndalohet të mbajnë kontribute për zgjedhjet në të cilat nuk marrin pjesë,” shtoi ai. “Biden për President 2024 nuk ka treguar asnjë synim për të rimbursuar apo ricaktuar siç duhet fondet e zgjedhjeve të përgjithshme që ka marrë tashmë”. Ndonëse rezultati final është i paqartë, duket se fushata e trump po e bën këtë për të ngadalësuar ritmin me të cilin Harris ka mundur të tërheqë votuesit dhe donatorët pasi u bë kandidatja e supozuar demokrate. Kjo strategji, sipas ekspertëve, përfshin hapjen e betjave të reja ligjore për të penguar harrisin që të ketë akses në fondet e bidenit. Fushata e Harrisit tha se kishte mbledhur 100 milionë dollarë donacione në 36 orët e para pas tërheqjes së Bidenit.