Teksa fushata zgjedhore në Shtetet e Bashkuara të Amerikës po shkon drejt pikes së vlimit të saj, kompania ‘Meta’ që ka në pronësi rrjetet sociale Facebook, Instagram e X, do të heqë kufizimet e vendosura në llogaritë e ish-presidentit Donald Trump përpara Konventës Kombëtare Republikane javën e ardhshme. Vendimi sipas kompanisë është marrë për të siguruar që Trump, kandidati i supozuar republikan për president, do të kishte pozitë të barabartë me presidentin demokrat Joe Biden. “Në vlerësimin e përgjegjësisë sonë për të lejuar shprehjen politike, ne besojmë se populli amerikan duhet të jetë në gjendje të dëgjojë nga të nominuarit për President mbi të njëjtën bazë”, thuhet në deklaratën e Metës. “Si rezultat, ish-Presidenti Trump, si i nominuar nga Partia Republikane, nuk do t’i nënshtrohet më gjobave të rritura të pezullimit”. Kujtojmë se llogaritë e Trump u bllokuan pas kryengritjes së 6 janarit 2021 pas humbjes në zgjedhjet presidenciale ndaj Biden, për tu rikthyer në vitin 2023. “Në rast se Trump poston përmbajtje të mëtejshme dhunuese, përmbajtja do të hiqet dhe ai do të pezullohet nga një muaj deri në dy vjet, në varësi të ashpërsisë së shkeljes”, thuhej në një postim në blog nga Meta në janar 2023.