Donald Trump tha të martën se ai nuk do të bëhet një diktator nëse bëhet president i shteteve të bashkuara sërish, me përjashtim të ditës së parë. Këto deklarata të tij pasuan paralajmërimet e demokratëve por edhe disa republikanëve, se amerika rrezikonte të kthehej në një autokraci nëse trump fiton zgjedhjet e 2024-ës. Kandidati presidencial republikan, donald trump, u pyet dy herë madje gjatë një eventi të transmetuar live në televizion, në Ajoua, për këto deklarata dhe mohoi se ai do të abuzonte me pushtetin dhe do të kërkonte hakmarrje ndaj kundërshtarëve politikë nëse rizgjidhet në shtëpinë e bardhë. “Jo, jo...me përjashtim të ditës së parë”, tha Trump kur iu kërkua të shprehej mbi komentet se do të bëhej diktator nëse do të fitonte zgjedhjet e nëntorit. Trump tha se në ditën e parë, të cilës iu referua, ai do të përdorte fuqitë e tij presidenciale për të mbyllur kufirin jugor me meksikën dhe për të zgjeruar shpimet për naftë. Trump, që po kërkon një mandat të dytë në Shtëpinë e Bardhë, ka premtuar shpesh hakmarrje ndaj kundërshtarëve politikë nëse kthehet në pushtet. Shënjestrat përfshijnë Joe Biden, prokurorët që e kanë akuzuar atë për dhjetëra krime, departamentin e drejtësisë dhe burokracinë federale. Menjëherë pas këtyre deklaratave, menaxheria e fushatës së Bidenit, Julie Chavez Rodriguez tha: Donald trump na ka treguar saktësisht se cfarë do të bëjë ai nëse rizgjidhet dhe sonte ai tha se do të jetë një diktator që në ditën e parë, amerikanët duhet ta besojnë atë”.