Presidenti kolumbian Gustavo Petro ka akuzuar Donald Trumpin se është një "skllavopronar i bardhë" i cili është në rrugën e duhur për të "fshirë speciet njerëzore", pasi u detyrua të tërhiqej përballë presidentit amerikan në një përplasje mbi emigrantët. Ky është konfrontimi më i fundit në një mosmarrëveshje që nisi kur Petro bllokoi dy avionë amerikanë të mbushur me emigrantë të deportuar, të hynin në vendin e tij. Por brenda pak orësh, Trump kërcënoi se do të vendoste tarifa të mëdha importi mbi Kolumbinë dhe do të ndalonte edhe dhënien e vizave. Pas kësaj, Petro u tërhoq dhe ofroi madje edhe avionin e tij presidecial për të kthyer emigrantët e dëbuar nga SHBA, në Kolumbi. “Nëse nuk ju pëlqen liria jonë, nuk ka problem. Por unë nuk shtrëngoj duart me skllavopronarë të bardhë. Më rrëzoni President dhe të gjithë do të përgjigjen...ju mund të përpiqeni të bëni një grusht shteti me fuqinë tuaj ekonomike dhe me arrogancën tuaj”, tha Petro.