Presidenti amerikan, Donald Trump priti të hënën në Shtëpinë e Bardhë kryeministrin Izraelit Benjamin Netanyahu, me të cilin tha në konferncën për shtyp se marrëveshja për paqe në Gaza “është shumë afër” dhe se atë tashmë Izraeli e ka pranuar atë. Kreu i Shtëpisë së Bardhë tha se bashkë me kryeministrin izraelit është duke punuar për të arritu paqe në të gjithë Lindjen e Mesme. “Kjo mund të jetë njëra prej ditëve më të mrekullueshme në civilizim”, tha Trump para mediave. Ndërsa shtoi se ende plani prej 20 pikash nuk është pranuar nga ana e Hamas, i cili duhet të lirojë të gjitha pengjet nëse do që të vendoset armëpushimi. Sipas Trumpit, shtetet arabe dhe ato myslimane janë të përkushtuara për të “çmilitarizuar Gazën” sa më shpejt. Mes tjerash, presidenti amerikan shtoi se plani parasheh shkatërrimin e tuneleve dhe qendrave të prodhimit që i posedon Hamasi. Për të mbikëqyrur planin do të ngrihet një “bord paqeje”, që do të kryesohet nga vetë Trump ndërsa pjesë e tij do të jenë udhëheqës nga vende të tjera, ndërsa ka shprehur dëshirën për të qënë pjesë e tij dhe ish-kryeministri britanik Tony Blair.