Ashtu siç pritej, ish presidenti amerikan Donald Trump mbërriti të martën në mbrëmje në zyrën e prokurorit të Distriktit të Manhatanit, ku do të qëndrojë nën arrest, në pritje të zhvillimit të seancës gjyqësore. Ashtu siç janë procedurat që ndiqen në raste të tilla, Trumpit do t’i merren shenjat e gishtrinjve, ndonëse nuk dihet ende nëse do të fotografohet apo jo. Edhe pse nën arrest, Donald Trumpit nuk mund t’i vendosen prangat, por thjesht shoqërohet nga forca të policisë, në sallën e gjyqit, ku do të njihet me akuzat ndaj tij. Trump është i pari ish-president amerikan që përballet me akuza penale. Ai u padit nga një juri e Manhatanit javën e shkuar për një çështje nga viti 2016 për pagesat që i janë bërë “pornostares” Stormy Daniels për të mbajtur të fshehtë një raport intim mes tyre, edhe pse akuzat pritet që të specifikohen në vijim.