Kremlini ka hedhur poshtë raportimet në media se është zhvilluar një bisedë telefonike mes presidentit të zgjedhur amerikan, Donald Trump, dhe presidentit rus, Vladimir Putin, duke thënë se raportimet janë “krejtësisht të rreme”. E përditshmja amerikane, Ëashington Post, duke cituar burime të afërta me Trumpin, raportoi një ditë më parë se Trump kishte folur me Putinin në telefon, dhe kishte diskutuar me të për luftën në Ukrainë. Sipas gazetës, Trump e kishte zhvilluar bisedën nga Florida, një ditë pas kishte folur me presidentin ukrainas, Volodymyr Zelenski. Burime anonime, të cituara nga gazeta, thanë se Trump i ka thënë Putinit të mos e përshkallëzojë luftën në Ukrainë, dhe ka shprehur interesim për bisedime të mëtejshme për “të zgjidhur çështjen e luftës në Ukrainë sa më shpejt”. Edhe agjencia e lajmeve Reuters ka raportuar për këtë bisedë telefonike.