Ish-presidenti i Shteteve të Bashkuara të Amerikës, Donald Trump, planifikon të dorëzohet më 24 gusht në Atlanta lidhur me padinë që i është ngritur në Xhorxhia nën akuzat se ai tentoi të përmbyste humbjen e tij në këtë shtet në zgjedhjet presidenciale të vitit 2020. Këtë e ka bërë të ditur vetë Trump në rrjetin e tij social të hënën. “Unë do të shkoj në Atlanta të Xhorxhias të enjten për t’u arrestuar”, tha Trump në platformën e tij Truth Social. Trump – i cili po garon për t’u zgjedhur sërish president i SHBA-së në vitin 2024 – e cilësoi padinë si përpjekje të motivuar politikisht për ta dëmtuar fushatën e tij zgjedhore. CNN ka raportuar më parë se Trump planifikon të dorëzohet në stacionin policor të Fultonit në Atlanta. 24 gushti u caktua gjatë negociatave mes avokatëve të Trumpit dhe zyrës së prokurorit të Fultonit një ditë më parë, – tha CNN.
Më shumë ↓ 
