Presidenti amerikan Donald Trump fluturoi me avionin privat të të dënuarit për abuzim seksual Jeffrey Epstein "shumë më shumë herë sesa është raportuar më parë", sipas një emaili nga një prokuror i Nju Jorkut që shfaqet në një grup të ri dokumentesh rreth Epstein, të publikuara të martën nga Departamenti i Drejtësisë i SHBA-së. Në një email të datës 7 janar 2020, prokurori i paidentifikuar shkroi se të dhënat e fluturimit tregonin se Trump kishte fluturuar me avionin privat të Epstein tetë herë gjatë viteve 1990. Midis tyre ishin të paktën katër fluturime në të cilat ishte e pranishme edhe bashkëpunëtorja e Epstein, Ghislaine Maxëell. Maxëell po vuan një dënim me 20 vjet burg për ndihmën ndaj financierit të ndjerë Epstein për të abuzuar seksualisht me vajza të mitura. Në një postim në mediat sociale në vitin 2024, Trump tha se "nuk kishte qenë kurrë në avionin e Epstein, ose në ishullin e tij 'idiot'". Nuk kishte asnjë pretendim në emailin e prokurorit se Trump kishte kryer ndonjë shkelje. Në një fluturim nga fluturimet e përshkruar në të dhënat e publikuara rishtazi, të vetmit pasagjerë ishin Epstein, Trump dhe një 20-vjeçare, emri i së cilës ishte fshirë. "Në dy fluturime të tjera, dy nga pasagjerët, ishin femra", thuhej në dokument. Trump e njihte Epsteinin që në vitet 1990 dhe në fillim të viteve 2000. Ai ka thënë se lidhja e tyre përfundoi në mesin e viteve 2000 dhe se ai nuk kishte qenë kurrë në dijeni të abuzimeve seksuale të financierit. Epstein u dënua në Florida në vitin 2008 për abuzim seksual me të mitur. Departamenti i Drejtësisë e akuzoi atë për trafik seksual në vitin 2019. Epstein u gjet i vdekur në vitin 2019 në qëlinë e tij në një burg të Nju Jorkut. Vdekja e tij u cilësua si vetëvrasje.