Presidenti amerikan Donald Trump bllokoi një sulm të planifikuar izraelit mbi objektet bërthamore iraniane për ti dhënë kohë negociatave për një marrëveshjeje me Iranin për të kufizuar programin e tij bërthamor, raportoi të mërkurën Neë York Times, duke cituar zyrtarë të administratës dhe të tjera burime. Izraeli kishte hartuar plane për të sulmuar vendin islamik në maj, sipas gazetës, e cila shtoi se qëllimi ishte që të frenonte aftësinë e Iranit për të zhvilluar një armë bërthamore. Neë York Times tha se ndihma e SHBA-së kërkohej jo vetëm për të mbrojtur Izraelin nga hakmarrja iraniane, por edhe për të siguruar që sulmi të ishte i suksesshëm. Pas muajsh debati të brendshëm, Trump vendosi që të kërkonte negociata me Iranin në vend që të mbështeste veprimet ushtarake. SHBA dhe Irani zhvilluan bisedime në Oman të shtunën e kaluar, hera e parë kjo me administratën e Trumpit, duke përfshirë edhe mandatin e tij të parë në vitet 2017-2021. Të dy vendet i përshkruan bisedimet si "pozitive" dhe "konstruktive".