Kryeministri grek Kyriakos Mitsotakis telefonoi presidentin e sapozgjedhur të Shteteve të Bashkuara të Amerikës, Donald Trump. Telefonata erdhi 6 ditë pas fitimit të zgjedhjeve nga republikani, ndërsa sipas mediave greke zgjati rreth 10 minuta. Sipas burimeve qeveritare, gjatë bisedës telefonike, kryeministri grek nënvizoi rëndësinë e partneritetit strategjik greko-amerikan për stabilitetin dhe sigurinë mes dy vendeve. Më tej Mitsotakis theksoi se pret një bashkëpunim të ngushtë me administratën e re amerikane për çështjet dypalëshe me interes rajonal dhe ndërkombëtar. Sakaq zbulohet se Mitsotakis i bëri ftesë Donald Trump për të vizituar Greqinë. Telefonata me Trump kanë zhvilluar dhe lider të tjerë mes të cilëve dhe presidenti Rus, Vladimir Putin, që ka deklaruar se është I gatshëm të diskutojë për armëpushim në Ukrainë pas fitores së republikanit.