Tarifat që Donald Trump vendosi deri në 140 për qind për mallrat kineze nuk kanë pasur si qëllim vetëm uljen e deficitit tregtar që Shtetet e Bashkuara të Amerikës kanë me Kinën. Dy vendet janë pajtuar që të heqin pjesën më të madhe të tarifave të ndërsjella, ndërsa sië raportojnë mediat amerikane, SHBA ka arritur që të sigurojë qasje te mineralet e rralla kineze. Sekretari amerikan i Tregtisë tha në një intervistë me agjencinë financiare të lajmeve Bloomberg se marrëveshja me Kinën ishte nënshkruar. Sipas tij, Kina do të furnizojë SHBA me metale të rralla dhe SHBA do t’u japë fund kundërmasave të saj. Sipas Ministrisë së Tregtisë në Pekin, Kina do të shqyrtojë aplikimet për eksport për “produkte të kontrolluara” dhe do të miratojë ato që përputhen me rregulloret e brendshme të saj. Në këmbim, SHBA thuhet se do të heqë një sërë “masash kufizuese” kundër Kinës. Marrëveshja u konfirmua edhe nga Presidenti Trump, që nënkuptoi gjithashtu se vendi është në bisedime për një marrëveshje të madhe me Indinë.