Pasi postoi në Twitter një video mbrëmjen e së dielës ku thoshte se po "merrte raporte të shkëlqyera" nga mjekët, Presidenti Trump befasoi mbështetësit e tij jashtë spitalit ku po trajtohej për COVID-19. Ai u largua përkohësisht nga Qendra Kombëtare Mjekësore Ushtarake Ëalter Reed brenda një makine të blinduar, i shoqëruar nga agjentë të Shërbimit Sekret, për të përshëndetur mbështetësit e mbledhur jashtë spitalit dhe që brohorisnin me flamuj në duar. Një mjek në siptalin Ëalter Reed e quajti veprimin të papërgjegjshëm. Dr. James Phillips, i cili është gjithashtu shef i mjekësisë së fatkeqësive natyrore në Universitetin George Ëashington, shkroi në Tëitter se automjeti special ku ndodhej presidenti është i izoluar ndaj një sulmi kimik. “Rreziku i transmetimit të COVID19 brenda tij është aq i lartë sa i tejkalon procedurat mjekësore. Papërgjegjshmëria e treguar është befasuese. Mendimet e mia janë me Shërbimin Sekret që ishte i detyruar ta shoqëronte,” shkruan Dr. Phillips, duke iu referuar shoferit dhe një agjenti shoqërues në sediljen e përparme, të cilët dukej se mbanin maska, mburoja fytyre dhe kostum për t’u mbrojtur nga infektimi. "Ishin marrë masat e duhura paraprake për ekzekutimin e kësaj lëvizjeje për të mbrojtur presidentin dhe të gjithë ata që e mbështesin, përfshirë mjete mbrojtëse personale," tha një zëdhënës i shtëpisë së bardhë. "Lëvizja u realizua me lejen e ekipit mjekësor." Trump vazhdon të punojë nga suita presidenciale e spitalit që posedon të gjithë pajisjet që i lejojnë atij të vijojë me detyrat zyrtare. Mjekët kanë thënë se gjendja e tij vazhdon të përmirësohet, nga e premtja nuk ka më temperaturë dhe shenjat jetësore janë të qëndrueshme.